Kondisyon pou patisipe

80 % elèv ki nan lekòl piblik e nan lekòl charter yo (lekòl piblik ki sou kontra pèfòmans) nan Florid ranpli kondisyon pou yo patisipe. Fè yon demann enskripsyon jodi a !

Elèv yo ranpli kondisyon pou yo patisipe si yo :

se elèv VPK (Voluntary Prekindergarten Education Program / pwogram edikasyon preskolè volontè) rive nan 5èm ane, ki enskri nan pwogram VPK, nan lekòl piblik oswa nan lekòl charter (lekòl piblik ki sou kontra pèfòmans), epi ki te deja fè tès ki montre yo pi ba pase nivo ladrès nan lekti ki apwopriye pou klas yo.

Pa gen okenn kondisyon parapò ak revni pou patisipe !

*Depi out 2021

Ou pa fin sèten si ou ranpli kondisyon pou w patisipe ? Fè yon demann enskripsyon kanmenm !

Anpil fanmi pa reyalize ke pitit yo oswa timoun yo responsab yo ranpli kondisyon pou yo patisipe nan pwogram nou an. Fè yon demann enskripsyon, epi n ap verifye si w ranpli kondisyon yo ! Pa enkyete w : ou pa bezwen bay okenn dokiman ni pwouve ou ranpli kondisyon pou patisipe yo. Apre chak peryòd tès, Florida Department of Education (Depatman Edikasyon Florid) voye yon lis elèv ki ranpli kondisyon yo ban nou, pa mwayen transfè fichye sekirize.

Anplis, menm si pitit ou a oswa timoun ou responsab la pa ranpli kondisyon pou l patisipe kounye a, n ap kenbe demann enskripsyon w lan nan dosye, epi n ap verifye si l ranpli kondisyon pou l patisipe chak fwa nou resevwa nouvo done nan men Eta a. Si yon timoun ki pa ranpli kondisyon yo kounye a ta vin ranpli kondisyon pou l patisipe pita, li pral otomatikman kòmanse resevwa liv ak aktivite !

Yon fwa ou enskri, ou nan pwogram nan jiskaske w rive nan senkyèm ane !

Ou p ap janm bezwen fè demann enskripsyon ankò.

Once an eligible student is enrolled, they remain enrolled through fifth grade, even if their reading scores improve! You do not need to reapply each year.

Anplis, nou gen bon nouvèl si w aplike pou yon timoun ki pa elijib. Si yo vin elijib nenpòt ki lè anvan yo gradye nan fen klas senkyèm ane an, y ap fè w konnen epi l ap kòmanse resevwa liv otomatikman!

Families will be unenrolled if they move out of Florida, and caregivers can choose to unenroll a child by emailing support@newworldsreading.com.

New Worlds Reading mascot Brooks Bobcat hopping from stone to stone

Kèlkeswa lè w enskri a, w ap toujou resevwa tout 9 liv yo pou ane lekòl la.

Pandan premye ane ou nan pwogram nan, ou ka resevwa kèk livrezon ki gen plis pase yon liv ansanm ak aktivite, pou asire ou jwenn tout 9 liv yo pou ane sa a.

Apre premye ane w la, chak livrezon, soti nan mwa oktòb rive nan mwa jen, ap gen ladan yon liv ak yon aktivite pou aprantisaj.

Kijan nou verifye si pitit mwen an oswa timoun m responsab la ranpli kondisyon pou l patisipe ?

Ekip nou an pral konpare demann enskripsyon w lan ak dosye edikasyon pitit ou a oswa timoun ou responsab la pou verifye si l ranpli kondisyon pou l patisipe. Pwosesis sa a ka pran plizyè mwa. Mèsi anpil pou pasyans ou !

Men kèk kesyon moun konn poze souvan :

Kijan nou jwenn enfòmasyon konsènan pitit mwen an oswa timoun m responsab la ?

Florida Department of Education (Depatman Edikasyon Florid la) voye enfòmasyon ban nou ki soti nan tès FAST yo (Florida Assessment of Student Thinking / evalyasyon rezònman elèv yo nan Florid), lis FAA yo (Florida Alternate Assessment / evalyasyon selon lòt metòd pou elèv nan Florid), ak sondaj distri yo ki montre si yon timoun ap resevwa Tier 2 or Tier 3 Reading Intervention Support (sipò pou ranfòse ladrès nan lekti nivo 2 oswa nivo 3) nan klas la.

Ou pa fin sèten si pitit ou a oswa timoun ou responsab la ap resevwa Tier 2 or Tier 3 Reading Intervention Support (sipò pou ranfòse ladrès nan lekti nivo 2 oswa nivo 3) ? Pwofesè timoun nan ka ede w !

Ki nòt ki pèmèt detèmine ke nivo lekti a pi ba pase nivo klas la ?

Elèv nan VPK poko fè pwogrè ki apwopriye pou laj yo si :

yo fè nòt ki pi ba pase 40èm pousantil nan tès FAST Star Early Literacy a,
oswa yo egzante pou yo pa pran tès FAST Star Early Literacy a.

Elèv nan klas K - 2èm ane poko ap li nan nivo klas yo si :

yo fè nòt ki pi ba pase 40èm pousantil nan tès FAST Star Early Literacy/Reading la,
yo egzante pou yo pa pran tès FAST Star Early Literacy/Reading la,
oswa yo resevwa Tier 2 or Tier 3 Reading Intervention Support (sipò pou ranfòse ladrès nan lekti nivo 2 oswa nivo 3) (jan distri yo rapòte l nan Survey 2 ak Survey 3).

Elèv ki nan klas 3èm - 5èm ane poko ap li nan nivo klas yo si :

yo fè nòt ki pi ba pase Nivo 3 nan evalyasyon FAST yo,
yo pran tès Florida Alternate Assessment (FAA) olye evalyasyon FAST yo,
oswa yo resevwa Tier 2 or Tier 3 Reading Intervention Support (sipò pou ranfòse ladrès nan lekti nivo 2 oswa nivo 3) (jan distri yo rapòte l nan Survey 2 ak Survey 3).

Pitit mwen an oswa timoun mwen responsab la nan VPK oswa jadendanfan, e li poko fè tès li yo. Èske mwen ka toujou fè yon demann enskripsyon ?

Wi! Ap jis gen yon peryòd datant jiskaske nou resevwa done elèv la. Ou pral resevwa yon imel ki di ou pa ranpli kondisyon pou patisipe yo pou kounye a, men pa enkyete w : n ap kenbe demann enskripsyon w lan nan dosye, epi n ap voye yon imel ba ou si pitit ou a oswa timoun ou responsab la vin ranpli kondisyon pou patisipe yo pita !

Èske mwen ka fè yon demann pou yon timoun ki pi piti pase laj ki koresponn ak VPK ?

Wi, ou ka fè yon demann bonè ! Tanpri, chwazi « Incoming VPK / Elèv ki pral antre nan pwogram edikasyon preskolè volontè (VPK) » kòm nivo klas la lè w ap fè demann enskripsyon an.

Ou pral resevwa yon imel ki di pitit ou a oswa timoun ou responsab la pa ranpli kondisyon pou l patisipe yo pou kounye a, men pa enkyete w : n ap kenbe demann enskripsyon w lan nan dosye, epi n ap voye yon imel ba ou si timoun nan vin ranpli kondisyon yo pita !

Mwen resevwa yon imel ki di nou pa t ka jwenn done ki koresponn ak sa ki nan dosye mwen an. Poukisa ?

Pafwa, nou pa ka jwenn dosye yon timoun. Gen plizyè rezon ki konn lakòz sa :

- Demann enskripsyon an gen tinon jwèt, dat nesans ki pa kòrèk, oswa yon lòt erè nan enfòmasyon konsènan timoun nan.
- Timoun nan homeschooled (lekòl adomisil).
- Timoun nan enskri nan yon lekòl prive.

Pou n ka gen plis chans jwenn done ki korespon ak dosye pitit ou a oswa timoun ou responsab la, demann enskripsyon an dwe gen : non konplè legal elèv la (pa mete tinon jwèt oswa abrevyasyon), dat nesans li, nan ki klas li ye, nan ki distri l ye, ak non lekòl la.
Ou bezwen verifye oswa mete enfòmasyon konsènan pitit ou a oswa timoun ou responsab la ajou? Kontakte ekip sipò nou an nan support@newworldsreading.com oswa rele (855) 399-1147.

Èske mwen ka voye dosye pitit mwen an oswa timoun m responsab la ban nou pou akselere pwosesis la ?

Si ou resevwa yon imel ki di nou poko ka konfime si pitit ou a oswa timoun ou responsab la ranpli kondisyon pou patisipe yo, menm si li ranpli tout kondisyon ki nesesè yo, sa ka vle di gen yon reta nan pwosesis pou resevwa done li yo. Tanpri, pa voye okenn dosye pèsonèl ban nou ! Akòz règleman sou konfidansyalite, ki vle di pwoteksyon vi prive elèv yo, nou ka resevwa dosye elèv sèlman nan men Eta a.

Ou bezwen verifye oswa mete enfòmasyon konsènan pitit ou a oswa timoun ou responsab la ajou? Kontakte ekip sipò nou an nan support@newworldsreading.com oswa rele (855) 399-1147.

Kisa nou ka fè pou ede ranfòse ladrès nan lekti pandan n ap tann ?

Tcheke resous gratis nou yo ki disponib pou tout fanmi yo ! Ou ka mande aktivite pou nenpòt nan liv ki nan pwogram nou an pou konbine yo ak liv ou jwenn nan bibliyotèk.

Èske ou prè pou w fè yon demann enskripsyon ?

Enskri chak timoun ki ranpli kondisyon pou patisipe yo, pou w kòmanse resevwa liv lakay ou !

Fè yon demann enskripsyon