Sou Nou
New Worlds Reading Initiative se yon pwogram alfabetizasyon gratis adomisil nan Florid, pou elèv ki nan VPK (pwogram matènèl volontè) jiska 5èm ane ki elijib yo.
New Worlds Reading te siyen an lwa nan Jen 2021 kòm yon pwogram ki ede lektè Florida yo ranfòse konpetans alfabetizasyon yo, ogmante konfyans lekti, ak kreye yon lanmou pou lekti ki dire pou tout lavi.
Chak mwa pandan ane lekòl la, timoun yo ki kalifye resevwa yon liv gratis ki enterè yo, avek resous ak aktivite paran ak gadyen legal ka utilize ansanm avek timoun li. Liv ak materyèl yo se disponib nan Angle, Panyòl, Kreyòl Ayisyen, ak braille.
Pou kalifye pou pwogram nan, timoun la bezwen anrole nan yon VPK Florida epi li pa ap fè pwogrè apwopriye pou laj li dapre FAST Star Early Literacy ou li anrole nan klas K-5yèm ane epi li poko ap li nan nivo klas nan yon lekòl piblik ou yon lekòl charter. Ou ka wè plis enfòmasyon sou isit la.
Se UF Lastinger Center for Learning ke Leta nonmen antanke administratè pwogram New Worlds Reading nan.
UF Lastinger Center for Learning kreye sistèm edikasyon kote chak timoun ak chak edikatè fè eksperyans aprantisaj bon kalite ki pèmèt akonplisman nan etap enpòtan, epitou kritik, ki predi siksè nan lekòl ak lavi a. Pwogram yo konsantre sou preparasyon pou jadendanfan, konpetans nan lekti ak konpetans nan aljèb nan nivo klas twazyèm ane. Depi 2002, Lastinger Center for Learning fè pwogrè enpòtan pou pote solisyon reyèl ki ka evolye, an kolaborasyon avèk edikatè ak fanmi an Florid e nan tout peyi a. N ap jwenn plis enfòmasyon sou sit entènèt UF Lastinger Center for Learning nan.
Scholastic
UF Lastinger Center asosye ak Scholastic, ki se yon konpayi entènasyonal ki espesyalize nan piblikasyon, edikasyon ak medya pou timoun, pou ede li jwenn epi distribye liv bonjan kalite, epi pou bay sipò operasyonèl, teknik ak pwomosyon pou pwogram nan. Aprann plis sou www.scholastic.com.
Depatman Edikasyon Florid
Yo chwazi liv yo an kolaborasyon ak pwogram Just Read! Depatman Edikasyon Florid la ki sitiye nan biwo Florid la.
UF / IFAS Extension
Books and Cooks se yon pwogram alfabetizasyon ak nitrisyon ki dire sèt semèn ki te kreye an patenarya ak UF/IFAS Extension. Fanmi New Worlds Reading nan kèk konte Florid patisipe nan sesyon edikasyon ki mete aksan sou diferan liv timoun yo, demonstrasyon pou kwit manje ak aktivite lekti.
Kibeam Learning
Ekip rechèch nan UF Lastinger Center for Learning ap asosye l ak Kibeam Learning pou pilote Kibeam Wand™ ak yon sougwoup patisipan New Worlds Reading. Etid sa a ap pèmèt elabore pwogram ki favorize angajman pou lekti ak akselere pèfòmans lekti.