Don yo

Pataje maji lekti ak elèv Florid yo! Sipò w ap pèmèt plis kominote ak fanmi nan Florid, ansanm ak elèv VPK – 5èm ane ki elijib yo, gen aksè a liv epitou a resous pou alfabetizasyon. Se yon fason pou bay pi jèn jenerasyon lektè nou yo mwayen pou yo devlope ladrès yo nan lekti ak ekriti, epitou pou yo devlope konfyans nan tèt yo, ansanm ak yon lanmou pou lekti pandan tout lavi yo.

De (2) fason pou fè yon don

Fè enpo sou revni w an Florid tounen yon kado pou tout lavi: ofri pouvwa ki genyen nan lekti!

KREDI ENPO POU ANTREPRIZ KI FÈ DON YO

Biznis yo ka fè obligasyon fiskal yo, sètadi taks yo dwe peye yo, tounen yon kado sou fòm aksè a lekti, si yo fè yon don bay New Worlds Reading Initiative, sou baz yon dola pou chak dola nan montan enpo yo dwe peye an Florid.

Nou ka ede w kolabore avèk nou atravè yon pwosesis byen senp, si konpayi w lan peye:
•Florida Corporate Income (enpo sou revni antrepriz an Florid)
•Insurance Premium (prim asirans)
•Direct Pay Sales & Use (peman dirèk taks sou vant ak konsomasyon)
•Oil & Gas Production (pwodiksyon petwòl ak gaz), oubyen
•Alcohol Beverage Excise Tax (dwa dasiz [oswa taks endirèk] sou bwason alkòlize)

Antanke Scholarship Funding Organization (SFO) (òganizasyon pou finansman bousdetid) ki anrejistre, UF Lastinger Center elijib pou aksepte kontribisyon sou fòm kredi enpo. Plis enfòmasyon.

Plis Enfòmasyon

DONE PRIVE

Don prive yo dediktib nan enpo pou ane sivil la si yo resevwa yo anvan 31 desanm.

Fè yon don kounye a

Lòt fason pou bay sipò

Pataje enfòmasyon sou New Worlds Reading grasa twous materyèl pou patenarya ak maketing pou donatè yo

Twous sa a fèt pou fasilite aksè a imel, sijè pou brase lide, depliyan, rezo sosyal ak foto, dekwa pou kore efò patnè nou yo ap fè pou soutni New Worlds Reading. Nou espere ou va anvizaje itilize zouti sa a, oswa tabli yon dyalòg ak nou sou Facebook, LinkedIn, Instagram ak X.

materyèl pou patenarya ak maketing pou donatè yo

Enpak

Soti nan ane 2021, New Worlds Reading Initiative ede plis pase 425 000 timoun an Florid, grasa resous pou lekti ki gen ladan yo plis pase 9 milyon liv gratis, gid lekti pou fanmi yo, ansanm ak fòmasyon pwofesyonèl espesifik pou plis pase 20 000 pwofesè.

Gen apeprè 1 milyon timoun ki elijib, sètadi ki ranpli kondisyon pou patisipe nan pwogram nan, ki pa kapab li nan nivo klas yo, la a an Florid. Aktyèlman, se sèlman 30% pami yo New Worlds Reading rive bay sèvis.